“Tu Omaku”

Aha ma na boi dohononku
Lao patuduhon holongki
Sipata maol do paboahon i
Tarlumobima di hata batak

Sipata sai humatop do pamangan on
Molo mandok hata i tu dongan niba
Ai dang somal nidok hian i di huta
Jala dang na pola somal anggo di adatta

Nuaeng adong ma ari si songon on
Na binaen ni angka na malo
Asa adong parningotan di hamu
di sude holongmu jala gogomuna i

Huida ma na binaen ni angka dongan
Marragam na nidok na dohot na binaen na
Patuduhon holong na i tu Inong na
Tung mansai balga idaon na binaen na i

Tutu ma i balga holongmi Oma
Tutu ma i dang tarpajojor sude na binaen mi
Huida ma denggan basa ni Tuhani sian holongmi
Sai di bagasan las ni roha do au molo huingot i sude

Sipata husolsoli do hagaleonki
Laho patuduhon holongki tu ho Oma
Ai sian pamangan on pe sipata maol
Tarlumobi ma sian angka na binaen

Nirajuman ma na so somal do i di adatta
Mandok i di hata batak
Alana molo di hitaan:
“Oloi ma natorasmu ido patudu holongmu
Urupi nasida di nasa ulaon na
Jala unang marsak bahen rohana
Nang pe di huta na dao tarbarita baen goarna
Asa sonang rohana patudu holong ni rohamu”

Tung aha ma dohononku Oma tu ho
Di ari na binaen ni angka na malo on
Jadi pajojoronku ma na naeng dohononku:
“Mauliate ma di Tuhan i,
Ai dipillit ho gabe Omaku ahu gabe anakmu
Dang tarjujur au sude na binaenmi
Tung godang do hata na so hudok na boi nian dohononku
Alai dang tardok ahu alani hagaleonki
Sada do tangiangku sahat tu sonari on
Sai lam hutanda Tuhan i alani holongmi
Sai lam margogo au mangido asi ni rohaNa i
Patanda adong Omaku na mangiringiring au
Mananda Ibana si parasiroha i pardenggan basa i
Sai dipasupasu Tuhan i ma ho Oma
Ganjang ni umur di pasahat tu Oma
Asa sai tong pairingiring on mu hami anakmon

Parpudi di pandohan on hudok ma di hata Indonesia

SELAMAT HARI IBU

Advertisements

2 thoughts on ““Tu Omaku”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s